Ek Ladki...

Ek ladki...

Anjaani si, Nadaan si,
Jiski nadaan si hasi pe tum muskurate ho,
Jiski nadaan si baaten tumko pyaari lagti hai,
Jsiki aankhon me hai anekon khwab,
Jo chahati hai khule aasmaan me udna,
Udne do use khule aasmaan me...

Udne do use,
Kyn bandhte ho pankh uske,
Nadaan ho tum, ki rok loge use,
Agar kiya zor-o-zulam us par,
Wo phir bhi ud jayegi todke sare bandhan,
Laga ke maut ko gale wo ud jayegi,
Jaise ud jata hai parinda qaid se...

Pachtaoge tum phir jab kuch na milega tumko,
Rooge tum uski nadaan hasi ko sunne ke liye,
Uski us masoom se chehare ko dekhne ke liye,
Uski un massom shararton ko dekhne ke liye,
Uske un masoom sawalon ko sunne ke liye,
Taras jaoge tum... taras jaoge tum,
Udne do use udne do use...


BY- Akshay Bhardwaj
Copyright- @akshay bhardwaj
Written Date- March 13, 2013
Posted Date- March 13, 2013